鹹酸苦汫

• 演唱：麋先生 聖皓+王識賢

詞曲｜吳聖皓

留幾个字 寫一句關心
Lâu kuí ê jī, siá tsi̍t kù kuan-sim
應幾句好 換一張笑面
Ìn kuí kù hó, uānn tsi̍t tiunn tshiò-bīn
拚幾偌年 攏為一个原因
Piànn kuí guā nî, lóng-uī tsi̍t-ê guân-in
厝裡有人 咧等我轉去
Tshù--lí ū lâng, leh tán guá tńg--khì
欲做春夏秋冬沃風雨的窗
Beh tsò tshun-hē-tshiu-tang ak-hong-hōo ê thang
一爿咧看 一爿來掩
Tsi̍t pîng leh khuànn, tsi̍t pîng lâi am
猶袂赴唱的歌 無的確 鹹酸苦汫
Iáu bē-hù tshiùnn ê kua, bô-tik-khak, kiâm-sng-khóo-tsiánn
若想欲講思念
會梢聲
按怎嘛唱袂煞
Nā siūnn-beh kóng su-liām, ē sau-siann, àn-tsuánn mā tshiùnn bē-suah
我寬寬仔牽著你
沓沓仔行
鹹酸苦汫
Guá khuan-khuan-á khan tio̍h lí, ta̍uh-ta̍uh-á kiânn, kiâm-sng-khóo-tsiánn
閣下一个願望
咱來做伙看
這个世界會按怎
Kok hē tsi̍t-ê guān-bōng, lán lâi tsò-hué khuànn, tsit-ê sè-kài ē án-tsuánn
欲做春夏秋冬沃風雨的窗
Beh tsò tshun-hē-tshiu-tang ak-hong-hōo ê thang
一爿咧看 一爿來掩
Tsi̍t pîng leh khuànn, tsi̍t pîng lâi am
我知影每一工 無的確 鹹酸苦汫
Guá tsai-iánn muí tsi̍t kang, bô-tik-khak, kiâm-sng-khóo-tsiánn
會漸漸袂記喝
袂記聽
好歹攏吞落腹
Ē tsiām-tsiām bē-kì huah, bē-kì thiann, hó-pháinn lóng thun-lo̍h-pak
佳哉我閣有你 陪我看 鹹酸苦汫
Ka-tsài guá koh ū lí, puê guá khuànn, kiâm-sng-khóo-tsiánn
愛毋但一个字 閣有白頭鬃
Ài m̄-nā tsi̍t-ê jī, koh-ū pe̍h-thâu-tsang
是鹹酸苦汫 你攏佇邊仔
Sī kiâm-sng-khóo-tsiánn, lí lóng tī pinn-á